💕【燒賣好好食+辣椒油辣得好過癮！】手造粉果燒賣！
-
往日大埔廣福冬菇亭有間燒賣粉果好出名，今日喺昌運中心重開，只賣燒賣、魚蛋同粉果三款嘢食，燒賣同粉果都係每日新鮮手製，喺區內都幾有名氣，有機會食到嚟大埔，記得行過嚟去試吓～
-
《魚肉燒賣 $10/6粒》以肥豬肉、鯊魚肉、炸蒜、麵粉、冬菜、八角、蔥頭等製成，真材實料，人手包同機整真係好唔同～食落煙韌彈牙又鮮味，另外佢地嘅辣椒油都係重點！勁辣又夠惹味，辣到𠽌𠽌聲都忍唔住要繼續食，真心畫龍點睛！
-
《家鄉粉果 $10/3件》粉果外皮晶瑩剔透，煙韌得嚟爽爽地，厚薄適中，有豬肉、蝦米、粉葛、菜脯等餡料，平時唔多鐘意食粉果，但覺得佢地嘅粉果都可以一戰！
-
粉果佬
地址：大埔安慈路4號昌運中心地下32號舖
#PND大埔 #PND港式 #PND小食 #PND外賣
Search